තීර්ථය වැඩසටහන් මාලාව

පළමු වැඩසටහන - කුමාරදාස සපුතන්ත්‍රී තීර්ථයේ දී
දෙවන වැඩසටහන - කුලරත්න ආරියවංශ තීර්ථයේ දී
තෙවන වැඩසටහන - සුනිල් ආරියරත්න තීර්ථයේදී
සිවුවන වැඩසටහන - නිලාර් එන්. කාසීම් තීර්ථයෙදී

පළමු වැඩසටහන -
කුමාරදාස සපුතන්ත්‍රී තීර්ථයේ දී

කුමාරදාස සපුතන්ත්‍රි නාමය මෙරට ගීත ක්ෂේත්‍රයේ සනිටුහන්ව ඇත්තේ විශිෂ්ට ගේය පද රචකයකු ලෙසිනි. ප්‍රේමයේ සුඛ දුක්ඛ සංවේදනාවන් මෙන්ම මිනිස් ජීවිතයේ ප්‍රහර්ෂයන් හා සංතාප ළතැවුල් ද ඔහුගේ ගී පදවැල් පුරාවට රන් හුයක් සේ බැඳෙමින් අප හද සන්තානයට නැවුම් අරුතක් එක්කරයි.
නාගරීකරණයෙන් ඔද්දල් නොවූ අවිහිංසක ගැමි සුන්දරත්වයෙන් සිය නිර්මාණ උල්පත පාදා ගත් සපූ සිය ප්‍රේමනීය ගී අසපුව නිබඳවම සරසාලන්නේ සොබා දහමේ අසිරි සිරියෙනි.

තෙවන වැඩසටහන
සුනිල් ආරියරත්න තීර්ථයේදී

මහාචාර්ය සුනිල් ආරියරත්න මෙරට කලා සහෘද පිරිස අතරේ ජනාදරයට පත්ව ඇත්තේ නිර්මාණශීලී ගේය පද රචකයකු සහ චිත්‍රපට අධ්‍යක්‍ෂවරයකු සෙය. මහාචාර්යවරයා අතින් රචනා වූ ගේය පදමාලා දහස්‌ ගණනකි. ඔහු සම්මානිත චිත්‍රපට, ටෙලිනාට්‍ය ගීත රචකයෙකි. සරසවි සම්මානයෙන් අට වරක්‌ ද, ජනාධිපති සම්මානයෙන් සය වරක්‌ ද ස්‌වර්ණ ශංඛ සම්මානයෙන් දෙවරක්‌ ද චිත්‍රපට ගීත රචනය සඳහා ඔහු පිදුම් ලැබුවේය. එසේම ටෙලිනාට්‍ය ගීත රචනය සඳහා සුමති හා රයිගම් සම්මාන ද කිහිප වරක්‌aම ඔහු දිනා ගත්තේය. එසේම “මකරන්ද”, “විසිතුරුය රෑ අහස” වැනි ගේය කාව්‍ය සංග්‍රහ සඳහා රාජ්‍ය සාහිත්‍ය සම්මාන ද මහාචාර්යවරයා හිමිකර ගත්තේය.

දෙවන වැඩසටහන -
කුලරත්න ආරියවංශ තීර්ථයේ දී

මානව දයාව, ප්‍රේමය, විරහව, වෛවාහික ජීවිතය ආදී වූ විවිධ ජීවන තේමාවන් ඇසුරු කරගනිමින් සම්භාව්‍ය හෙළ බස සහ ව්‍යවහාර බස මනාව සංකලනය කරමින් සොඳුරු සුගායනීය අපූර්ව ගී රැසක් ලාංකේය ගීත ක්ෂේත්‍රයට තිළිණ කළ ප්‍රවීණ ගේය පද රචකයෙකි, කුලරත්න ආරියවංශ.
ප්‍රේමයේ උත්කර්ශය ආනන්දනීය හැඟුමක් බවට පෙරළා ගී පද අතර රඳවන ඔහු ම විටෙක, විරහවේ අනන්‍ය වේදනාව හද පාරවන සියුම් රිදුමක් බවට පෙරළා මතකයේ රැඳෙන සදාතන ගීතයක් ලෙස නිමවයි.

සිවුවන වැඩසටහන
නිලාර් එන්. කාසීම් තීර්ථයෙදී

නිලාර්. එන්. කාසීම් නූතන සිංහල ගීත රචනා කලාව වෙනුවෙන්, ගීත රසවිඳින රසිකයින් වෙනුවෙන්ගුණාත්මක වටිනාකම් එක්කළ ජනප‍්‍රිය ගේය පද රචකයෙක්. වර්තමාන හරසුන් ගීත රචකයන් අතරි නිලාර් පැහැදිලි වෙනසක් ඇති කළ රචකයෙක්. නිලාර් පරම්පරා තුනක සංගීතඥයින් හා නිර්මාණයන්ට දායක වී ඇති අතර ගීත 500 කට අධික ප්‍රමාණයක් රචනා කොට ඇත.

ඉදිරියේදී තීර්ථයේදී

කුමාරදාස සපුතන්ත්‍රි

කුලරත්න ආරියවංශ

මහාචාර්ය සුනිල් ආරියරත්න

නිලාර් එන්. කාසීම්